Ховдлын экстрасистол хэм алдагдал гэж юу вэ?

Ховдлын экстрасистол хэм алдагдал гэж юу вэ?

Ховдлын эртэчилсэн агшилтыг үүсгэх хэм алдагдлыг ховдлын эсктасистол гэдэг. Ховдлын аль нэг газраас эмгэг сэрэл үүсч ховдлыг сэрэлд оруулж агшааж буй хэрэг юм. Энэ хэм алдагдлыг ховдлын эртэчилсэн агшилт, ховдлын экстрасистол, ховдлын дутуу агшилт хэмээн олон янзаар нэрлэдэг. Ховдлын экстрасистол бол баруун ба зүүн ховдлын аль нэг эмгэг эсээс сэрэл үүсч хэвийн бус цохилтыг үүсгэдэг. Энэ үед хүнд зүрх түр зогсоод цохилт буй мэт мэдрэмж төрж, эсвэл зүрх булгилах, дультчих мэдрэмж төрдөг. Ховдлын экстрасистол ихэссэн үед дотор муухайрах, амьсгал бачуурах зовиур илэрдэг.

Ховдлын экстрасистол хэм алдагдал бол кафейн, стресс, нойргүйдэл зэргийн үед ихэсдэг. Ялангуяа бодисын солилцоо, симпатик мэдрэл идэвхжүүлдэг бэлдмэл, цусны эрдсийн өөрчлөлт, хоолойн ангина зүрхэндээ орох, ковидоор хүнд өвдөх үед ховдлын хэм алдагдал үүсч эсвэл ихэсдэг. Ховдлын экстрасистол хэм алдагдал их давтамжтай үүсээд байвал зүрхний булчин гэмтэх, амь насанд эрсдэлтэй ховдлын тахикарди, фибрилляци хэлбэрт шилжиж хүндэрч болно.

Ховдлын экстасистол хэм алдагдал ахимаг настан, стресс, зүрхний дутагдал, артерийн гипертензи, зүрхний шигдээс, гипертрофийн кардиомиопати зэрэг эмгэгтэй үед элбэг тохиолдоно. Зүрхийг чагнах, шууны артерийн судас тэмтрэхэд хэм жигд бус байдлаар илэрдэг. Зарим тохиолдолд ховдлын экстасистол зүрхний цахилгаан бичлэгээр илэрч болно. Ховдлын экстрасистолыг баттай оношлоход 24 цагийн холтер зүрхний бичлэг чухал ач холбогдолтой. Энэ үед ховдлын экстрасистол илэрсэн үед зүрхний бичлэг дээр хураагдаж байдаг.

Беавермед, Зүрх судасны эмнэлэг дараах үйлчилгээ үзүүлж байна.
- Зүрхний эхо оношилгоо (сүүлийн үеийн аппарат)
- 24 цагийн холтер зүрхний бичлэг (24 цаг, 48 цаг, 72 цаг)
- Артери венийн судасны эхо шинжилгээ
- 24 цагийн даралтны аппаратын шинжилгээ
- Зүрх судасны эмч үзлэг хийж зөвлөгөө өгч байна.
Ажлын цаг: Даваа - Баасан 09:00-18:00, Бямба ням амарна.
Цаг авах утас: 80857724
Фэйсбүүк: facebook.com/beavermedhospital,
Хаяг: БЗД, 12 хороо, Ботаник центр, 104/2 байр, 2F-24 тоот,