Зүрх хатгуулж өвдөх шалтгаан юутай холбоотой вэ?

Өвдөлт бол байгалиас заяасан маш том бэлэг. Яагаад гэвэл эд эрхтэн эмгэгших үед өвдөлт илэрч та бид мэдэж авдаг. Өвдөлт байхгүй бол эд эрхтэн эмгэгшиж буйг мэдэж чадахгүй, улмаар өвчин эмгэг хүндэрч ховор тохиолдолд үхэлд хүргэх боломжтой. Тэгэхээр өвдөлт бол хоёр зүйлээс илүүтэй бий болно. Нэгдүгээрт, эд эрхтэн эмгэгших үед мэдрэлийн төгсгөл цочирч өвдөлтийг үүсгэж болно. Мэдрэлийн төгсгөл механик гэмтэл зэргийг улмаас цочирч өвдөлт үүсч болдог. Хоёрдугаарт, эд эрхтэнд үрэвслийн урвал явагдахад өвдөлт үүсч байдаг. Тухайлбал, вирус бактерийн халдварын үед эд эрхтэн эмгэгшиж үрэвслийн урвал явагдана. Үрэвслийн урвалын үр дүнд өвдөлт үүсгэх медиатор ялгарч өвдөлтийг үүсгэдэг.

Зүрхээр хатгуулж өвдөх шалтгааны дийлэнх хувийг зүрхний ишеми өвчин эзэлдэг. Зүрхний ишеми өвчний үед кардиомиоцит эсэд цусан хангамж, хүчилтөрөгч дутагдахад бодисын солилцоо алдагдана. Улмаар зүрхний булчингийн эсэд хүчиллэг бодис ихсэж гэмтэж үрэвсэл явагдаж эхэлдэг. Энэ үед зүрх өвдөж цохилтын тоо өөрчлөгдөх, амьсгал бачуурах, даралт хэлбэлзэх зэргээр тогтворгүй болно. Зүрхний ишеми буюу цусан хангамжийн дутагдал бол зүрхийг хангах титэм судас нарийсах, агших үед үүсдэг. Зарим тохиолдолд зүрхний булчин зузаарч томорсон бол ишеми өвчин үүсч болдог.

Зүрхний үрэвслийн гаралтай өвдөлт бол хоолойн ангина зүрхэндээ орох, ковидын дараах хам шинжийн үед зүрхний гадаргууд бичил үрэвслийн өөрчлөлт явагдаж өвдөлт үүсч болно. Хоолойн ангина зүрхэндээ орно гэдэгт хоолойд үржих бактерийн гадаргуугийн бүтэц бол зүрхний хавхлага, давхаргын уургийн бүтэцтэй төстэй. Дархлаа урвал, үрэвслийн урвал явагдаж бактерийг устгах гээд зүрхний хавхлага, давхаргад бичил үрэвсэл үүсгээд байгаа хэрэг. Яагаад гэвэл хоолойд үржих бактерийн бүтэц, зүрхний хавхлага давхаргын холбогч эдийн бүтэц хоорондоо төстэй юм. Хоолой төдий чинээ өвдөж идээлнэ тэр хэмжээгээр зүрхний давхарга, хавхлага дээр бичил үрэвсэл явагдаж гэмтэнэ. Улмаар зүрхний өвдөлт үүсч зүрх тогтворгүй болоод байгаа юм.

Ковид хэмээх онцгүй вирусийн бүтэц хүний биеийн цулцангийн эс, судасны эс, зүрхний дотор, гадар давхаргын уурагтай холбогдож эзэн эсрүү орж гэмтээх чадвартай. Коронавирусийн халдвар уушгины хатгалгаа үүсгэж амьсгалын дутагдал үүсгэхээс гадна судасны эсийг гэмтээж бүлэн үүсэх, зүрхний давхаргыг гэмтээж хэм алдагдал шалтгаан болоод байна. Зүрхний гадаргууд бичил үрэвсэл үүсэхээр өвдөлт үүсч зүрх тогтворгүй болдог.

Гэхдээ зүрхээр өвдсөн тохиолдол бүр зүрхний эмгэг бус уушгины өөрчлөлт, цээжний хэнхэрцэг гэмтэх, эсвэл мэдрэл цочирч өвдөлтийг үүсгэдэг. Уушгины өөрчлөлт бол ихэвчлэн ханиалгах, цэр гарах, амьсгаадах зовиуртай хавсарна. Цээжний хэнхэрцгийн гэмтэл бол байрлалаа өөрчлөх, цээжээ хөдөлгөхөд өвдөлт нэмэгддэг. Бид хавиргандаа юм оруулчлаа гэдэг зүйл бол хавирганы доогуур явж буй мэдрэлийн судлаа хөндсөн хэрэг. Хавирга орчмийн зөөлөн эдийн гэмтэл болвол цээжний өвдөлтийг үүсгэх боломжтой.

Беавермед, Зүрх судасны эмнэлэг дараах үйлчилгээ үзүүлж байна.
- Зүрхний эхо оношилгоо (сүүлийн үеийн аппарат)
- 24 цагийн холтер зүрхний бичлэг (24 цаг, 48 цаг, 72 цаг)
- Артери венийн судасны эхо шинжилгээ
- 24 цагийн даралтны аппаратын шинжилгээ
- Зүрх судасны эмч үзлэг хийж зөвлөгөө өгч байна.
Ажлын цаг: Даваа - Баасан 09:00-18:00, Бямба Ням амарна.
Цаг авах утас: 80857724
Фэйсбүүк: facebook.com/beavermedhospital,
Хаяг: БЗД, 12 хороо, Ботаник центр, 104/2 байр, 2F-24 тоот,