Зүрхээр хатгуулж өвдөх учиг шалтгаан

Зүрхээр өвдөх шалтгаан бол зүрхний эмгэг эсвэл бусад эмгэгийн улмаас илэрдэг шинж тэмдэг юм. Хэрвээ зүрхний эмгэг бол цээжний зүүн хэсэг буюу зүрх орчих хүчтэй хатгаж өвдөхөөс гадна өвдөлт зүүн гар, мөр рүү дамжих, зүрх тогтворгүй болох шинж тэмдэг зайлшгүй дагалдана. Зүрх тогтворгүй болоход зүрхний хэм өөрчлөгдөхөөс гадна амьсгал бачуурах, амьсгалсан боловч амьсгал аваагүй юм шиг мэдрэмж төрдөг. Зүрхээр өвдөхөд дагалдаж хүйтэн хөлс гарах, царай цонхийж цайх, бие сулрах, толгой эргэх, дотор муухайрах шинж илэрнэ.Тухайлбал, хоолойн ангина зүрхэндээ орох, ковидын дараах хам шинжийн үед зүрхний дтоно, гадна өнгөц давхаргын цочроох үрэвслийн улмаас зүрхээр өвдөх зовиур цөөнгүй тохиолдож байна. Хоолойн ангина зүрхэндээ орж зүрхээр өвдөнө гэдэг бол уул шугамандаа хоолойд үржиж буй бактерийн гадаргууд агуулагдах уургийн бүтэц, зүрхний дотор давхарга, хавхлагын бүтэцтэй төстэй юм. Улмаар хоолойд үржиж буй бактерийн эсрэг өрнөсөн дархлаа, үрэвслийн урвал андуурч төстэй бүтэцтэй хавхлага, зүрхний гадаргууг очиж цочроож буй хэрэг. Хоолойд бактер өсч үржих тутам зүрхийг цочроох магадлал нэмэгддэг.

Коронавирусийн халдвар нь аюулт цар тахал байсан бол вирусийн мутацид орох, хүн амд сүргийн дархлаа тогтсонтой холбоотойгоор эдгэж өгдөггүй ужиг ханиад шиг халдвар болсон юм шиг байна. Коронавирусийн дараах хам шинжийн үед коронавирустай холбогдож хүлээн авах уураг бол уушгины эсээс гадна цөөн тоогоор судасны дотор давхаргын эс, зүрхний дотно гадна давхаргын эсийн гадаргууд агуулагддаг. Коронавирус уушгинд халдварлаж уушгийг гэмтээхээс гадна зүрх судасны эсийг гэмтээх чадвартай гэсэн үг. Ийм зүрхний гадаргууд үүссэн үрэвсэл зүрхнийг цочроож үрэвслийн өвдөлтийг үүсгэдэг байж болох юм.

Аливаа эд эсэд үрэвсэл үүсвэл үйл ажиллагаа өөрчлөгдөхөөс гадна өвдөлт үүсдэг онцлогтой. Тэгэхээр зүрхээр хатгуулж өвдөх нь зүрхний ишеми өвчин, зүрхний шигдээсээс гадна хоолойн ангина зүрхэндээ орох, ковидын халдварын үед үүссэн үрэвслээс үүсээд буй хэрэг. За тэгээд та бүхэн зүрхний эмгэгтэй холбоотой зүрхээр хатгуулж өвдөж буй бол байрлалтай холбоотой бус зүрх тогтворгүй болох, амьсгал бачуурах зовиур илэрдэг болно.

Беавермед, Зүрх судасны эмнэлэг дараах үйлчилгээ үзүүлж байна.
- Зүрхний өнгөт эхо оношилгоо (сүүлийн үеийн аппарат)
- 24 цагийн холтер зүрхний бичлэг (48 цаг, 72 цаг),
- Артери венийн судасны эхо шинжилгээ,
- 24 цагийн даралтны аппаратын шинжилгээ,
- Зүрх судасны эмч үзлэг хийж зөвлөгөө өгч байна.

🧿 Фэйсбүүк: facebook.com/beavermedhospital,
🪩 Web: www.beavermed.org,
☎ Цаг авах утас: +976 8085 7724
⏰ Ажлын цаг: Даваа-Баасан 9:00-18:00, Бямба, ням амарна.
🏥 Байршил: БЗД, 12 хороо, Ботаник центр, 104/2 байр, 2 давхар